మట్టి వినాయకులను ప్రతిష్టిద్దాం - పర్యావరణాన్ని పరిరక్షిద్దాం.. మాజీ కార్పొరేటర్ బోగి సువర్ణ సురేష్.

ఖిల్లా వరంగల్ : మట్టి వినాయకుడిని ప్రతిష్టిద్దాం పర్యావరణాన్ని కాపాడుకుందాం అని 37వ డివిజన్ మాజీ కార్పొరేటర్ భోగి సువర్ణ సురేష్ అన్నారు.
ఈ సందర్భంగా వినాయక చవితిని పురస్కరించుకొని మున్సిపల్ కార్పొరేషన్ నుంచి వచ్చిన మట్టి విగ్రహ లను ప్రజలకు అందించడం జరిగింది.
ఈ సందర్భంగా ప్రజలను ఉద్దేశించి మాజీ కార్పొరేటర్ భోగి సువర్ణ సురేష్ మాట్లాడుతూ ప్రజలందరూ మట్టి వినాయకులను ప్రతిష్టించి పర్యావరణాన్ని పరిరక్షించాలని కోరారు అలాగే ఆ వినాయకుని యొక్క దీవెనలు ఆశీస్సులు ప్రజలందరి పైన ఉండాలని ఆయురారోగ్యాలతో అష్టైశ్వర్యాలతో ఆనందంగా ఉండాలని ఆ దేవుని వేడుకున్నారు.
ఈ కార్యక్రమంలో స్థానిక పెద్దలు బొలుగొడ్డు శ్రీనివాస్ ఎసి రెడ్డి రమేష్ వనపర్తి కరుణాకర్, సాంబమూర్తి, తోట ప్రభాకర్ మేకల రాజేందర్ రాజబోయిన ఉప్పలయ్య లతోపాటు స్థానిక ప్రజలు తదితరులు పాల్గొన్నారు.