*కంటేయపాలెం రోడ్డు కు శంకుస్థాపన*

జన చరిత్ర, (మహబూబాబాద్ జిల్లా) బ్యూరో
తొర్రూరు, నవంబర్ 11

*రూ.4.92 కోట్లతో రహదారి అభివృద్ధి పనులు.. ప్రజలకు మెరుగైన రవాణా సౌకర్యాలు కల్పించడమే లక్ష్యం..*

మహబూబాబాద్ జిల్లా
తొర్రూరు మండల ప్రజల చిరకాల ఆకాంక్షగా ఉన్న తొర్రూరు – కంటాయపాలెం రహదారి అభివృద్ధికి అడుగులు పడ్డాయి. పాలకుర్తి నియోజకవర్గ అభివృద్ధికి ప్రాధాన్యతనిస్తూ ప్రజలకు మెరుగైన రవాణా సౌకర్యాలు కల్పించాలనే లక్ష్యంతో పాలకుర్తి శాసనసభ్యురాలు మామిడాల యశస్విని రెడ్డి ఈ రహదారి అభివృద్ధి పనులకు శంకుస్థాపన చేశారు.

తొర్రూరు పట్టణం నుంచి కంటాయపాలెం గ్రామానికి వెళ్లే రహదారి ఎంతో ప్రాధాన్యత కలిగినది. ఈ మార్గం ద్వారా నిత్యం అనేక గ్రామాల ప్రజలు రాకపోకలు సాగిస్తుంటారు. ముఖ్యంగా రైతులు, విద్యార్థులు, ఉద్యోగులు, వ్యాపారులు ఈ రహదారిపై ఆధారపడి ప్రయాణాలు చేస్తుంటారు.రహదారి అభివృద్ధి పూర్తయితే ప్రజల ప్రయాణ కష్టాలు తగ్గడంతో పాటు రవాణా సౌకర్యాలు మరింత మెరుగుపడనున్నాయి.

ఈ నేపథ్యంలో సుమారు రూ.4.92 కోట్ల వ్యయంతో తొర్రూరు పట్టణ పరిధిలోని తొర్రూరు – కంటాయపాలెం రహదారిని అభివృద్ధి చేయనున్నారు. ప్రజల అవసరాలను దృష్టిలో ఉంచుకొని ప్రభుత్వం రహదారి అభివృద్ధి పనులకు నిధులు కేటాయించగా, ఎమ్మెల్యే యశస్విని రెడ్డి ప్రత్యేక చొరవ తీసుకొని పనులు ప్రారంభమయ్యేలా కృషి చేశారు.

నియోజకవర్గంలోని ప్రతి ప్రాంతానికి మెరుగైన రహదారులు, తాగునీరు, విద్య, వైద్యం వంటి మౌలిక వసతులు కల్పించడమే లక్ష్యంగా ఎమ్మెల్యే యశస్విని రెడ్డి నిరంతరం కృషి చేస్తున్నారు. ప్రజలు ఎదుర్కొంటున్న సమస్యలను గుర్తిస్తూ వాటి పరిష్కారానికి ప్రాధాన్యతనిస్తూ అభివృద్ధి కార్యక్రమాలను ముందుకు తీసుకెళ్తున్నారు.

రహదారి అభివృద్ధి పనులు పూర్తయిన అనంతరం తొర్రూరు నుంచి కంటాయపాలెం వరకు ప్రయాణం మరింత సౌకర్యవంతంగా మారనుంది. ఈ అభివృద్ధి పనులతో స్థానిక ప్రజలకు ఎంతో మేలు చేకూరనుండటంతో ఆయా ప్రాంతాల ప్రజలు హర్షం వ్యక్తం చేస్తున్నారు.

ప్రజా సంక్షేమం, నియోజకవర్గ అభివృద్ధే ధ్యేయంగా ముందుకు సాగుతున్న ఎమ్మెల్యే యశస్విని రెడ్డి గారి చొరవతో మరో కీలక అభివృద్ధి పనికి శ్రీకారం చుట్టడం పట్ల స్థానికులు సంతోషం వ్యక్తం చేస్తున్నారు.